Шарайна
Әрбір азаматтың заңға деген құрметі – елдегі тұрақтылық пен қоғамдық қауіпсіздіктің маңызды кепілі. Заң мен тәртіп орныққан қоғамда азаматтардың құқықтары мен бостандықтары қорғалып, адамдар өздерін қауіпсіз әрі сенімді сезінеді.
Заңды сақтау – тек мемлекеттік органдардың ғана емес, әрбір азаматтың ортақ міндеті. Қоғамдық тәртіпті сақтау, өзгенің құқықтары мен бостандықтарын құрметтеу, белгіленген талаптарды орындау және жауапкершілік таныту – құқықтық мәдениеттің негізгі көріністері.
«Заң мен тәртіп» қағидаты – құқық бұзушылықтың алдын алуға, азаматтардың заңға деген сенімін арттыруға және қоғамда өзара құрмет пен жауапкершілік құндылықтарын қалыптастыруға бағытталған.
Тәртіп – күнделікті өмірдегі қарапайым әрекеттен басталады. Жол қозғалысы ережесін сақтау, қоғамдық орында тәртіпті бұзбау, табиғатты қорғау, балалар мен қарттардың қауіпсіздігіне бейжай қарамау, заң талаптарын орындау – әрқайсымыздың қоғам алдындағы жауапкершілігіміз.
Заңға құрмет – елге құрмет.
Тәртіп бар жерде – тұрақтылық бар.
Заң мен тәртіп – қауіпсіз әрі әділетті қоғамның берік негізі.
