Шарайна
Бүгін қаламыздағы Достық үйінде 1 қазан – Халықаралық қарттар күніне орай түрлі сала ардагерлеріне арналған «Қарттарым – асыл қазынам» атты концерттік бағдарлама ұйымдастырылды.
Салтанатты жиынды Сәтбаев қаласы әкімінің орынбасары Айгүл Төлендина құттықтау сөзбен ашып, ардагерлерді атаулы мерекемен құттықтады. Қаланың қоғамдық-мәдени іс-шараларына белсене қатысқан бір топ еңбек ардагері алғысхатпен марапатталып, оларға естелік сыйлықтар табысталды. Мерекелік жиынға қатысушыларға жергілікті өнерпаздар әннен шашу шашып, көтеріңкі көңіл—күй сыйлады. Қазыналы қарттардың құрметіне мерекелік дастархан жайылды.
