Ұлытау облысы Полиция департаментінің патрульдік полиция ротасының инспекторлары Рауан Уразбеков пен Саид Нұржанов жолда көлігі сынып қалған жолаушыға көмектесті.
Жезқазған қаласына 60 шақырым жерде көлігі сынып, жолда қалған Мейрамбек есімді жүргізушіге патрульдік полиция қызметкерлері көмек көрсетті. Полиция қызметкерлері көлікті жөндеу үшін қажетті құрал-саймандар мен ыстық тамақ жеткізіп, екі күн бойы жолаушыға қолдау көрсетті.
Мейрамбек полицейлерге бейнежазба арқылы алғысын білдіріп, көмек үшін ризашылығын жеткізді. Полиция қызметкерлерінің жедел әрі кәсіби әрекеттері арқасында жолаушы қиын жағдайдан аман-есен шығып, көлігін жөндетіп сапарын жалғастырды.
